جی آئیاں نوں


جی آئے


سانجھا پنجاب کیوں ؟

 

سانوں ایس گلّ دی بوہت خوشی اے کہ تسیں سانجھا پنجاب وچ جھاتی مارن آئے ہو ۔
سانوںسارے پنجابیاں نوں اس گلّ دا چانن ہے کہ اسیں غلام بن گئے ہاں ۔ سانوں ونڈاں، جنگاں تے نفرتاں تھکا دتا اے ۔ غلامی دیاں زنجیراں توڑ کے آزاد ہون لئی ۔ سانوں کدھرے بہہ کے ساہ کڈھن دی لوڑ اے سانوں اک دوجے نال امن ، شانتی تے پیار نال رل کے بہن دی لوڑ اے ۔
اسیں پنجابی تگڑے ہوندیاں سوندیاںوی کمزوری تے بزدلی دی بیماری دا شکار ہاں ، سانوں طاقت تے دلیری دے دارو دی لوڑ اے ۔ ایہہ دارو پنجابی پہچان دی جانکاری ، پنجابی قوم پرستی تے پنجابی ایکا اے۔
بڑے چر توں اک اجیہی تھاں دی لوڑ سی جتھے ساری دنیا وچ وسدے پنجابی رل کے بہہ کے ایہہ دارو لبھن بارے سوچ وچار کر سکن ۔ ایس لوڑ نوں پورا کرن لئی انٹر نیٹ راہیں سانجھا پنجاب نیٹّ دی چھت تھلے ساری دنیا وچ وسدے پنجابیاں وچکار پیار تے وراگ ونڈن توں وکھ اوہناں نوں اکٹھیاں بٹھا کے سر جوڑن دا موقعہ دین لئی اک پلیٹ فارم دی نینہ رکھی گئی ۔
اج سانجھا پنجاب نیٹ ساری دنیا وچ وسدے پنجابیاں دے میل دی اجیہی تھاں بن گئی اے جتھے ساری دنیا چوں پنجابی آکے رل کے بہندے نے ۔
ہن اگلا قدم چکن دا ویلا آگیا اے۔ ایس میل ملاپ نوں اک لہر بناؤن دی لوڑ اے ۔
اس لہر دا اک نکتی ایجنڈا ہووے:
سارے دنیا دے پنجابی مذہباں، دھرماں ، ذاتاں ، گوتاں تے دیشاں دیاں ونڈاں دی غلامی توں آزاد ہو کے پنجابی بنن ۔ اس مقصد نوں حاصل کرن لئی عملی لہر چلاؤن دی لوڑ ہے ۔
ایہہ لہر چلاؤن لئی سانجھا پنجاب نوں اک پارٹی جاں سنستھا ( انجمن ) بناؤن دی لوڑ ہے جو سارے پنجابیاں نوں پنجابی قوم پرستی دے جھنڈے تھلے اکٹھا کرے تے فرسارے رل کے پنجابی قوم دے حقاں نوں حاصل کرن لئی جدو جہد کرن ۔
تسیں جتھے کتے وی بیٹھے ہو سانجھا پنجاب پارٹی جاں سنستھا ( انجمن )دی نیہہ رکھو ۔
اس پارٹی جاں سنستھا ( انجمن ) وچّ ودھ توں ودھ پنجابیاں نوں شامل کرو ۔
دوجے دیشاں تے شہراں وچّ وسدے دوستاں نوں پنجابی سانجھ دی لوڑدا سنیہا پہنچاؤ تے سانجھا پنجاب پارٹی سنستھا ( انجمن ) بناؤن لئی راضی کرو ۔
بوہت ساریاں قوماں غلامی دیاں زنجیراں توڑ کے آزاد تے با عزت قوماں اکھوا رہیاں ہن تے بوہت ساریاں غلامی دیاں زنجیراں توڑن لئی جدوجہد کر رہیاں نے تہاڈی واری کدوں آؤنی اے؟
ایس توں وکھ:
سانجھا پنجاب نیٹ دی ویب سائیٹ تے روز آؤ۔
آپنے دوستاں ،رشتے داراں تے جانن والیاں نوں سانجھا پنجاب نیٹ بارے دسو تے زور پا کے اوہناں نوں ایس نوں پڑھن لئی راضی کرو۔
سانجھا پنجاب دے مقصد نوں سامنے رکھدیاں ہویاں ایہدے لئی آپ وی لکھو تے دوجیاں دیاں لکھتاں وی بھیجو۔
ایہدی مالی مدد وی کرو ۔

 

Feedback

 

 

UA-19527671-1 http://www.sanjhapunjab.net